बुटवल।
रुपन्देहीमा भोली शनिवारदेखि रुपन्देही जिल्ला लिग फुटबल प्रतियोगिता सुरु हुने भएको छ ।
कुञ्जलापुर खेल मैदान र जवई खेल मैदानमा असार १४ गतेसम्म सञ्चालन हुने प्रतियोगितामा रुपन्देही जिल्लामा क्रियासिल २० वटा फुटबल क्लवको सहभागिता रहने आज बुटवलमा पत्रकार सम्मेलन गरी जानकारी गराइएको छ । भोली उदघाटन खेल कुञ्जलापुर खेल मैदानमा झरना र अमर ज्योति युवा क्लवका बीचमा खेल हुने रुपन्देही जिल्ला फुटबल संघका उपाध्यक्ष मुकेश कुवरले जानकारी दिनुभयो ।
पर्सीदेखि बिहान र अपरान्ह दैनिक ४ खेल हुनेगरी तालिका बनाइएको छ । प्रतियोगिता उपाधि विजेताले नगद १ लाख ११ हजार, प्रमाणपत्र, मेडल तथा उपविजेताले नगद ५५ हजार, प्रमाणपत्र, मेडल प्राप्त गर्ने फुटवल संघका महासचिव तथा खेल संयोजक लोक पुनले जानकारी दिनु भयो ।
यसैगरि सेमीफाईनलमा पुग्ने दुई टिमलाई समेत नगद १०–१० हजार प्राप्त गर्नेछन ।

प्रतिकृया दिनुहोस

सम्बन्धित समाचार