बुटवल, ६ असार ।
प्रदेश ५ सरकारका मुख्यमन्त्री शंकर पोखरेलले सौर्य उर्जाको क्षेत्रमा प्रदेश सरकार निजी क्षेत्रसंग साझेदार बन्न ईच्छुक रहेको बताउनु भएको छ ।
नेपाल उद्योग परिसंघले रुपन्देहीको बुटवलमा गरेको अन्तरक्रिया कार्यक्रममा बोल्दै मुख्यमन्त्री पोखरेलले पुर्वाधार बिकासमा प्रदेश सरकार अत्यन्त संबेदनशिल रहेको बताउनु भयो । प्रदेश सरकारले ५ नम्बर प्रदेश भित्रबाट ३ सय मेगावार्ड सौर्य उर्जा उत्पादन गर्ने लक्ष लिएको बताउंदै उहांले सौर्य उर्जा उत्पादनमा निजी क्षेत्रसंग मिलेर जान प्रदेश सरकार ईच्छुक रहेको बताउनु भयो ।
उहांले समृद्दीको मुल आधार कृषि बन्न सक्ने उल्लेख गर्दै बर्षाको ३ महिना भारतीय तराई भुमि डुबिरहंदा नेपाली कृषकहरुले भारतमा कृषि उपज निर्यात गर्न सके सजिलै समृद्दिको लक्ष हासिल गर्न सकिने बताउनु भयो । भारतीय ब्यवसायीहरुसंग मिलेर कृषि उपज निर्यात गर्न सकिने मुख्यमन्त्रीको सुझाव छ ।
कार्यक्रममा बोल्दै राष्ट्रिय योजना आयोगका पुर्व उपाध्यक्ष डाक्टर शंकर शर्माले हाउजिङ क्षेत्रमा निजी क्षेत्रको लगानी हुन सके बिकासले छिटो गति लिने बिश्वास ब्यक्त गर्नुभयो । कार्यक्रममा सहभागि बक्ताहरुले पुर्वाधारको बिकास नगरि संचालन हुने बिकास निर्माणका कामहरु सफल हुन नसक्ने बताउंदै राज्यले पुर्वाधार बिकासमा ध्यान दिन सुझाव दिएका थिए ।

प्रतिकृया दिनुहोस

सम्बन्धित समाचार